我們的廣告窗口為 ad@ainfomedia.com 歡迎詢問廣告合作

[新聞] 殺上蘋果日報FB 發哥拒選特首:推我去深淵



^^立即加入 新浪微博,新聞/消息/優惠,最快知。




= = = = = = = = = = = =
歡迎讚好 Like 我們的 Facebook  獲得最新資訊與獨享各種優惠.
歡迎讚好 Like 我們的 新浪微博  獲得最新資訊與獨享各種優惠.
= = = = = = = = = = = =

周潤發昨午應本報邀請,特別為《蘋果日報》專頁facebook在九龍塘與網民進行問答大會,其間近四千人留言,約三十五萬人曾觀看,近一萬五千個Likes,發哥總共回答三十多條問題。網友早視心繫港人的發哥是理想特首人選,大家爭住問他下屆會否打算參選,發哥鬼馬回覆:「咁你即係推我去深淵。」

1

昨日答問大會,o靚模馮鎵瀠(Naomi)留言恨生擒發哥,熱唱網絡歌曲《日日去鳩嗚》的學舌鳥都力邀發哥同華Dee合作,但他們都未被選中,至於作了一首《給發哥的歌》的香港獨立音樂人The Pancakes(蔡明麗),昨問發哥可有聽過那首歌時,發哥多謝之餘,還承諾下次邊食班戟邊合照。

上月《蘋果動新聞》人人問發哥,他覺得這次透過fb文字答問雖具新鮮感,但不及睇片見樣互動:「大家見到我個表情會興奮啲,我鍾意同市民直接交流,希望有機會可以同大家視像對話。」問發哥可有些問題要迴避?他笑說:「如果問小三、小四啲嘢,發嫂喺度就唔可以答。」發哥獲悉人人問發哥的報道點擊逾三百萬,他幽默的說:「係咪多過TVB收視?」

===============發哥答問大會================

Alex Li:發哥,我知你肯定婉拒,但我都係要問:不如參選下屆特首啦,好唔好?
發哥:咁你即係推我去深淵~愛我就畀我做神仙啦~

the pancakes:發哥,有個儍婆作咗首《給發哥的歌》,請問你有沒有聽過?識唔識唱一兩句咁?如果在街上遇到那個儍婆,你是否願意和她一齊跳起yeah咁合照?謝謝,祝你和發嫂快樂和身體健康。
發哥:你呀~真係令我變皇上皇啦!有人作歌畀我,下次同你一路鋸pancake一路影相!多謝你多謝你!
the pancakes:多謝發哥的回答啊,我會好努力咁煎定啲pancake等你和發嫂。

Joan Kwan:發哥你有冇同周太行山拍拖?
發哥:點會呢~周太日理萬機㗎!

洪泳海:請發哥聯絡嘟姐!
發哥:你咩意思呀!post啲咁嘅相!!!

Fung Ho:發哥,你鍾意拍外國,內地定港產電影?
發哥:梗係港產啦!

Kikin Chou:發哥!!!!!!!!!聽唔聽到啊!!!我好鬼大聲叫緊你吖!!!
發哥:聽唔到~

Louis Lee:發哥,可唔可以即場演繹吓「朋友,你返去印度食蕉啦!」
發哥:留意之後睇片,睇住圖先。

Bo Cheung:發哥,我就考DSE喇,可唔可以同我講聲加油?
發哥:加油啦!

Kin Fai Chap:發哥,小弟最近失業,諸事不順,想請問有乜方法,面對逆境?
發哥:睇吓電視,做吓運動都會令人開心啲,最緊要有好身體,先應付到不同工種。

Don Tam:發哥,有冇時間上嚟我屋企食餐便飯?
發哥:有啲挑戰性喎~你煮咩畀我食先?

陳子杰:發哥對大財團同街坊舖有咩睇法?
發哥:唉……

Vicky Kwok:發哥,咁多人要同你影相,會唔會有時有小小煩躁?
發哥:又唔會嘅,不過有時啲人唔識用自己部機自拍,我真係……畀部機我搞啦~

Dennis Pang:發哥,發哥,點解你咁靚仔?
發哥:問我媽媽~

Samuel Ng:發哥,我想問吓你幾時可以做番爛口發?
發哥:《賭城風雲2》咪有囉!快啲睇番!

Eri Ho:發哥,今晚食乜餸呀?
發哥:今晚都係青菜~

Lawrence Wong:發哥!你曾經演過角色中哪一們最喜歡呀?
發哥:我好多角色都鍾意㗎,好多角色我都做得開心㗎,冇壓力又好玩。

Kelvin Poon:發哥可唔可以同我喺賭枱決勝負?
發哥:傻傻哋~我都唔識賭錢~

Chan Chi Ka:請問發哥信唔信星座?
發哥:星座……玩吓幾好玩,當有唔開心、有問題解決唔到,某程度上星座係可以令人釋懷。

Enoch Lam:發哥有冇宗教信仰?
發哥:我覺得宗教係因人而異。我鍾意佛學,但唔係一種信仰。

Vivian Lau:發哥幾時來馬來西亞?
發哥:我好鍾意馬來西亞~五、六、七月都有機會去檳城食吓榴槤~馬來西亞嘅榴槤好食,苦但好食!

Fanny Lui:發哥,其實你拍咁多套戲,你自己有咩角色係你最想做的?
發哥:梗係做啞佬啦~唔使記對白嘛!

Charlotte Chan:發哥點解唔試吓開演唱會呢?期待!
發哥:嗰個老細會……一張飛都賣唔到㗎~我唱歌……我老婆聽聽吓都會嚇醒!

Victoria Chan:發哥,你有玩facebook嗎?
發哥:平時冇㗎!怕到不得了。

Yman Cheung:發哥,你個頭邊度恤?
發哥:仲講「恤」頭……我係開工先有人同我整頭,平時就唔會特登整㗎!

Fion Man:發哥同發嫂一齊咁多年都咁恩愛,請問有咩相處之道分享吓呢?
發哥:食多啲阿膠加蜜糖~

Kenny Ho:請問賭神入面嗰句印度文係咪真係印度文嚟?
發哥:嗰句廣東話嚟架喎!

鄧簡文:發哥你好,我叫鄧簡文,很多香港人都希望你能做特首,請問你會考慮參加2017年行政長官選舉嗎?另外,你覺得我似肥版的你嗎?
發哥:你英俊好多~

Henry Chan:請問在哪裏較易見到發哥你?
發哥:我屋企~其實如果真係愛我就唔好搞我,放生我啦~

Emma Lee:發哥,成日畀人捕獲,會唔會有時都感到好困擾呀?當然好感謝你停低同我哋影相啦!
發哥:我都不知幾想同大家影相~呢度係飛鵝山!

Lewis Tse:發哥,你不如搵次做奸角,我好想睇你做奸角。
發哥:黐線~我做過好多奸角㗎喇!

George Li:發哥,仲有冇去慈雲山食魚旦粉?
發哥:慈雲山邊度有魚蛋粉?不過我通常唔去到咁遠。

Chow Ahfai:發哥,1至12,你鍾意邊個number呀?
發哥:點解要係1至12呢?3、6、9啦!因為我鍾意食上海嘢。

Lhc Jeremy:發哥,九龍城街市有乜推介?
發哥:我唔知你哋鍾意咩喎,都係菜呀~海鮮呀~

本文链接:[新聞] 殺上蘋果日報FB 發哥拒選特首:推我去深淵

转载声明:本站文章若无特别说明,皆为原创,转载请注明来源:AM娛樂,谢谢!^^









^^立即加入 Facebook 專頁,新聞/消息/優惠,最快知。



== == == == == == == ==

IT瘋 婚禮 醫美 減肥 拍賣 珠寶 教育 古董 娛樂 鐘錶 甜品 樓上鋪 生活 優惠 旅遊 情趣用品 寵物 夜蒲 體育系草 GayTie.info 牙醫 單車 眼科 飲食 西醫 健身 素食 TRY 包場 SEO 地產 律師 貸款 語言 室內設計 僱傭 嬰兒 汽車 玩具 補習 同志 源旭 零食 頭髮 旅行社 健康 清潔 化妝品 搬屋 安老 移民 理財 日旅 文憑 台旅 才藝 曼旅 保險 辦公室 慈善 求婚 遊戲 凶宅 愛沙尼亞 時尚 眼鏡 殯儀 有機食品 雪茄 手袋 品酒 電視劇 皮膚 佛牌 希旅 音響 希樓 酒店 咖啡 紋身 印傭平台 美留 平衡車 英留 鮮肉 荃牙 FB情趣用品 FB生髮白髮 FB電子煙 FB婚禮婚紗 FB美容 FB紋身 FB室內設計 FB小鮮肉 FB東京房地產 FB東京自助旅遊 FB泰國自助旅遊 FB日本大耳狐 FB虛擬貨幣 FB菲傭印傭傭工

0 comments

Other articlesgo to homepage

[新聞] 【你睇我點做model呀?】梁齊昕再寸娛圈人:大部份人都係人渣

[新聞] 【你睇我點做model呀?】梁齊昕再寸娛圈人:大部份人都係人渣

^^立即加入 新浪微博,新聞/消息/優惠,最快知。 = = = = = = = = = = = = 歡迎讚好

[新聞] 王菲出聲令鄧麗君重生

[新聞] 王菲出聲令鄧麗君重生

^^立即加入 新浪微博,新聞/消息/優惠,最快知。 = = = = = = = = = = = = 歡迎讚好

[新聞] 李毓芬戀情反覆 又不認柯震東

[新聞] 李毓芬戀情反覆 又不認柯震東

^^立即加入 新浪微博,新聞/消息/優惠,最快知。 = = = = = = = = = = = = 歡迎讚好

[新聞] Selina完成21K半馬攤軟 李佳薇:看她的傷感覺不輕鬆

[新聞] Selina完成21K半馬攤軟 李佳薇:看她的傷感覺不輕鬆

^^立即加入 新浪微博,新聞/消息/優惠,最快知。 = = = = = = = = = = = = 歡迎讚好

[新聞] 王尚智批楊又穎父母 陳艾琳怒嗆:你沒資格

[新聞] 王尚智批楊又穎父母 陳艾琳怒嗆:你沒資格

^^立即加入 新浪微博,新聞/消息/優惠,最快知。 = = = = = = = = = = = = 歡迎讚好

read more

banner2

read more








Contacts and information

Social networks

Most popular categories

Ainfo Media 資訊傳媒

Copyright © 2012 Ainfo Media Holdings Limited. All rights reserved.